Losaðu þig við loddaralíðan

Yfirlit

-Upplifir þú loddaralíðan í starfi?

-Glímir þú við sjálfsefa og ótta við að verða afhjúpuð/afhjúpaður sem svikahrappur þrátt fyrir afrek þín?

-Viltu finna þína rödd og efla sjálfstraust og áræðni?

-Vilt þú læra um loddaralíðan, hvernig hún birtist og hvaða áhrif hún hefur?

-Vilt þú læra að losa þig undan loddaralíðan?

Þá er þetta námskeið hannað fyrir þig!

Komdu með í umbreytandi ferðalag sem mun hjálpa þér að sigrast á loddaralíðan með aðstoð markþjálfunar.

Hagnýtar upplýsingar

Námskeiðinu er ætlað að valdefla þau sem eru að berjast við loddaralíðan, hjálpa þeim að byggja upp sjálfstraust, nærveru og hæfni á vinnumarkaði. Notast er við aðferðir markþjálfunar og kennslustundir eru sambland kennslu, hagnýtra æfinga og umræðna.

Námskeiðið er sett upp í þrjár 2 klst lotur þar sem við munum skoða fyrirbærið loddaralíðan, hvaðan hún kemur, hvernig hún birtist og hvaða áhrif hún hefur. Við munum einnig kynna okkur hagnýt verkfæri og æfingar sem auðvelda okkur að vinna bug á henni.

Námskeiðið byggir á markvissum kennslustundum, umræðum og æfingum. Markmiðið er að stuðla að persónulegum vexti þátttakenda og faglegri þróun ásamt auknu sjálfstrausti og sátt í starfi. Við munum fara í töluverða sjálfsvinnu, deila sögum og styrkja okkur til framtíðar.

Fyrirkomulag fjarnáms

3 x fjarfundir: Fyrirlestur + umræður
Æfingar milli kennslustunda

Efnisskrá

Á námskeiðinu er fjallað um:

-Hvað er loddaralíðan?

-Hvaðan kemur hún, hvernig birtist hún?

-Að bera kennsl á loddaralíðan hjá sjálfum sér og öðrum

-Að læra að sleppa loddaralúðanum

-10 skref til að losa sig við loddaralíðan

-Hagnýtar æfingar

Ávinningur:

-Skilja rætur - Þú uppgötvir hvaðan loddaralíðan kemur og hvernig hún birtist í þínu starfi

-Greina áhrif - Þú lærir hvernig loddaralíðan hefur áhrif á frammistöðu þína, samskipti og starfsframa

-Þróa hagnýtar aðferðir - Þú fáir verkfæri og tækni til að byggja upp sjálfstraust, seiglu og ákveðni í starfi

-Vaxa í starfi - Þú umbreytir sjálfsefa í sjálfstrú og stígir inn í starf þitt af öryggi og ákveðni. Náir sátt og lærir að nýta lærdóminn til áframhaldandi uppbyggingar í starfi.

Dagskrá

Námskeiðið fer fram á rafrænum fundum á mánudögum frá kl. 17-19.

Dagsetningar zoom funda:

9. nóvember

16. nóvember

23. nóvember