Streita

Streita er lífeðlisfræðilegt viðbragð mannskepnunnar við ógn, líkt og önnur dýr í dýraríkinu hafa. Eitthvað sem raskar jafnvægi ósjálfráða taugakerfisins og setur af stað flótta, forðun og viðbragðsferli sem kallast á ensku „fight flight“ og einnig „freeze“. Ósjálfrátt setur taugakerfið okkar í að berjast gegn óginni, flýja hana eða jafnvel frjósa í aðstæðunum.

Þegar við upplifum streitu eru einkennin margvísleg, sem gerir streituna lúmska. Einkenni okkar birtast mismunandi, eftir því hver við erum, hvaðan við komum og hvað við gerum eða höfum gert hverju sinni, til að styrkja þolvarnir okkar og verjast streitunni sem herjar á okkur alla daga. Líkt og streituvaldar geta verið mismunandi þá eru streituvarnir einnig mismunandi eftir því hvað við tökumst á við hverju sinni.
Hvað valdur þér streitu? – er spurning sem er fyrsta skrefið í að taka ábyrgð og ná stjórn á því sem orsakar þína streitu í dag. Við höfum tilhneigingu til að afneita vandamálinu í upphafi og þurfa svo að takast á við afleiðingar vandamálsins þegar allt hefur undið upp á sig og vandamálið er orðið mun stærra og veigameira en það hefði þurft að vera.

Fyrir hverja?

Námskeiðið hentar ölllum þeim sem vilja vita hvað streita er og hvernig við getum unnið bug á henni eða haldið niðri svo við getum átt betri líðan og samskipti við aðra.