Qigong - Skapandi mannauður í lífsorku og gleði

Qi (Chi) er lífsorkan. Í 5000 ár hafa Kínverjar stundað Qigong til heilsueflingar og til lækninga.

Æfingarnar byggja á djúpri Qigong öndun, mjúkum og styrkjandi hreyfingum, í samhljómi við nærandi hugleiðslu. Þær heila og styrkja líkamlegt og andlegt heilbrigði.

Meðmæli frá frú Vigdísi Finnbogadóttur, fyrrverandi forseta Íslands, sem hefur stundað Qigong frá árinu 1994. „... Af eigin reynslu er mér ljúft að mæla með Þorvaldi sem frábærum leiðbeinanda fyrir þá sem hafa hug á að kynna sér Qigong til að viðhalda góðri lífsorku og efla jákvæða lífsafstöðu.“

Í æfingunum er áhersla á brosið og jákvæðni. Við tökumst betur á við erfiðar tilfinningar, svo sem sorg, reiði, stress og ótta. Æfingarnar opna á orkubrautirnar, losa um spennu, styrkja ónæmiskerfið og alla innri starfsemi líkamans.
Við höfum orku til að njóta lífsins enn betur.

Markmið námskeiðsins er m.a. að nemandi

• öðlist meiri skilning á því hvað Qigong er og þeim áhrifamætti sem æfingarnar hafa fyrir einstaklinginn
• geti fylgt eftir í mismunandi æfingum sér til heilla og í átt að betri líðan
• skilji tenginguna á milli þess að brosa og þess hver lífsorkan okkar er

Fyrir hverja?

Qigong æfingarnar eru fyrir alla! Byrjendur og lengra komna, til að viðhalda góðri lífsorku og efla jákvæða lífsafstöðu.