Allt um Kína - RÓT

Allt sem þú þarft að vita um Kína og meira til – RÓT gefur heildstæða mynd af nútímavæðingu Kína, fyrirferð og áhrif Kína á alþjóðavettvangi og mikilvægi sögunnar í samskiptum ráðamanna við Vesturlönd og aðrar þjóðir. Samfélagsbylting, nýjar atvinnugreinar, misskipting og vaxandi þjóðerniskennd eru tekin til umfjöllunar. Stöðutákn, sýnineysla, tæknibylting og offjárfesting hafa sett svip sinn á þróun Kína undanfarin ár og áratugi auk þess sem mikilvægi Kína í framleiðslukeðjum heimsins kemur við sögu.

Námskeiðið skiptist í 13 kafla sem m.a. fjalla um einstaka borgvæðingu, tækifæri og áskoranir byggingargeirans í Kína, samfélagslegar áskoranir, neytendabyltingu Kína, kínverska ferðamenn, verslunarsiglingar fyrr á öldum, hröðustu iðnbyltingu í heimi, víniðnað í Kína, Hátækniiðnað og fjárfestingar, Kínversk stjórnvöld og alþjóðaviðskipti, menntakerfi og áhrif stjórnvalda, stöðuna í dag og hvers er að vænta.

Fyrir hverja?
Allt sem þú þarft að vita um Kína og meira til – RÓT er fyrir alla sem hafa áhuga á að kynna sér hvert eitt stærsta efnahagsveldi heims stefnir. Námskeiðið veitir fjölbreyttar og bráðnauðsynlegar upplýsingar um Kína og varpar skýru ljósi á samfélag og stjórnvöld.