Innleiðing sem virkar; Plan-Do-Check-Act

Yfirlit

Farið er í gegnum aðferð sem virkar þegar verið er að innleiða verklag eða ferli. Plan-Do-Check-Act er margreynd aðferð sem virkar í ýmsum aðstæðum og oft tengd við ferlisnálgun. Við tryggjum árangur, allt frá greiningu og ákvarðanatöku og til raunverulegra aðgerða og breytinga. Aðferðafræðin nýtist víða, svo sem í breytingastjórnun, ferlanálgun, gæðastjórnun, öryggisstjórnun, umhverfisstjórnun sem og í daglegum rekstri.

Hagnýtar upplýsingar

Námsefnið eru fyrirlestrar á netinu og fjarfundur. Enginn undirbúningur nauðsynlegur.

Fyrirkomulag fjarnáms

Alfarið fjarnám. Þrír fyrirlestrar á netinu (upptökur), einn zoom fundir með kennara þar sem verður tæpt á helstu atriðum úr fyrirlestrum, spurningum svarað og gefið færi á umræðum.

Efnisskrá

Þátttakandi mun öðlast skilning á aðferðafræði Plan-Do-Check-Act og hvernig hún nýtist í fyrirtækjum og öðrum skipulagsheildum. Farið er í gegnum hvert þrep og vísað í raunveruleg dæmi sem sýna hvernig PDCA er notað við að innleiða úrbætur, nýtt verklag eða breytingar. Að loknu námskeiði á nemandi að vera í stakk búin að nýta PDCA. Engin verkefnavinna. Boðið upp á fjarfund þar sem hægt er að koma með spurningar, einnig hægt að senda spurningar í tölvupósti til kennara á meðan námskeiði stendur.

Dagskrá

Námskeiðið hefst þriðjudaginn 2. mars 2027.

Þann 2. mars opnast fyrir fyrsta fyrirlesturinn, 3. mars fyrir annan fyrirlesturinn og 4. mars fyrir þriðja fyrirlesturinn.

Zoom-fundur verður haldinn þriðjudaginn 9. mars kl. 16:30.