Símenntun Háskólans á Akureyri
Grunnur að rekstri og bókhaldi
Yfirlit
Námskeiðið Grunnur að rekstri og bókhaldi hentar öllum þeim sem vilja stofna sinn eigin rekstur og/eða fyrirtæki. Einnig þeim sem eru nú þegar í rekstri en vilja taka virkari þátt í fjármálahluta rekstrarins.
Námskeiðið er fjórar vikur og byggist upp á fyrirlestrum, fjarfundum, verkefnum og krossaprófum til æfingar.
Hagnýtar upplýsingar
Námskeiðið hefst 1. febrúar og er í 4 vikur. Fundir með kennara eru á miðvikudögum kl. 20:00.
Fyrirkomulag fjarnáms
Kennari setur inn fyrirlestra sem þátttakendur geta hlustað á þegar þeim hentar. Verkefni verður gegnumgangandi í gegnum námskeiðið þar sem við stofnum fyrirtæki, færum í bókhald félagsins, reiknum laun, gerum upp VSK tímabil, kaupum og seljum eignir og vinnum með öll þau helstu tilfelli sem komið geta upp í rekstri.
Einu sinni í viku hittumst við á fjarfundi þar sem hægt verður að koma með spurningar, raundæmi og farið verður yfir verkefnið. Krossapróf verða opin á kennslusvæðinu þar sem þátttakendur geta æft sig og dýpkað skilninginn á efninu. Engar einkunnir eru gefnar og þátttakendur geta tekið krossaprófin eins oft og þeir vilja.
Efnisskrá
Við lok námskeiðsins eiga þátttakendur að hafa öðlast betri skilning á rekstrarumhverfi fyrirtækja á Íslandi, haft grunnskilining á því hvernig bókhald er fært, hvernig laun eru reiknuð og hvernig ársreikningar virka.
Inntökuskilyrði
Engin inntökuskilyrði eru. Námskeiðið er ætlað öllum þeim sem hafa áhuga á að kynnast betur hvernig rekstur fyrirtækis virkar og þeim sem hafa hug á að stofna fyrirtæki og/eða rekstur.
Dagskrá
Dagskrá
Fyrirlestrar
Fjarfundir
Verkefni og krossapróf
Vika 1
Grunnatriði í excel
Stofnun rekstrar
Grunnþættir bókhalds
Fjarfundur 1
03.02.2027
kl. 20:00
Byrjum að vinna í verkefnaskjalinu.
Stofnum fyrirtæki og byrjum reksturinn.
Færum upphafsfærslur ársins.
Vika 2
Virðisaukaskattur
Tekjur og útgáfa reikninga
Frádráttarbær kostnaður
Fjarfundur 2
10.02.2027
kl. 20:00
Gefum út reikninga og færum tekjur.
Tökum á móti reikningum frá birgjum og gerum upp VSK.
Vika 3
Laun og launatengd gjöld
Mannauðsstjórnun
Markaðsstarf
Fjarfundur 3
17.02.2027
kl. 20:00
Reiknum laun og færum í bókhaldið.
Vika 4
Afstemmingar og aðalbók
Ársreikningurinn
Skattframtal og álagning
Fjarfundur 4
24.02.2027
kl. 20:00
Stemmum af alla þætti aðalbókarinnar.
Stillum upp ársreikningi og reiknum kennitölur.
Fyllum út skattframtalið og reiknum út álagningu.
Ath. Tímasetningar geta breyst.
Um Símenntun Háskólans á Akureyri
Stefna Símenntunar Háskólans á Akureyri er að vera leiðandi í sveigjanlegri símenntun með því að bjóða upp á fjölbreytt úrval námskeiða og náms í fjarnámi, staðarnámi og blönduðu námi. Þannig komum við til móts við þarfir samfélagsins með námi sem hentar öllum óháð búsetu. Með því viljum við efla færni einstaklinga á vinnumarkaði og stuðla að stöðugri uppfærslu þekkingar til framtíðar.
Leiðandi fræðsluaðili á Íslandi.
Verð
31.000 kr.