Jafnlaunavottun, námskeið fyrir starfsfólk

Samkvæmt lögum eiga öll fyrirtæki og stofnanir með 25 starfsmenn eða fleiri að jafnaði á ársgrundvelli að öðlast jafnlaunavottun eða jafnlaunastaðfestingu.

Á námskeiðinu er farið yfir helstu atriði jafnlaunavottunar, af hverju fyrirtæki og stofnanir eiga að innleiða jafnlaunavottun og hvernig hún nýtist starfsfólki. Markmiðið með námskeiðinu er að þátttakendur öðlist þekkingu á hvað jafnlaunavottun er og hver ávinningur starfsfólks er af að vinna hjá fyrirtæki sem er með jafnlaunavottun.

Fyrir hverja?
Námskeiðið hentar öllu starfsfólki sem vinnur hjá fyrirtæki eða stofnun sem hefur innleitt jafnlaunakerfi og öllum sem vilja kynna sér hvað jafnlaunavottun er.