Innleiðing jafnlaunakerfa og jafnlaunavottun

Lögbundið er að öll fyrirtæki og stofnanir með 25 eða fleiri starfsmenn að jafnaði á ársgrundvelli eigi að öðlast jafnlaunavottun eða jafnlaunastaðfestingu. Stjórnendum fyrirtækja og stofnana getur reynst erfitt að byrja ferlið að jafnlaunavottun.

Markmið námskeiðsins er m.a. að nemandi

• fái góða innsýn yfir þau helstu atriði sem þurfa að vera til staðar til að fyrirtæki geti öðlast jafnlaunavottun
• öðlist þekkingu á umgjörð við innleiðingu á jafnlaunakerfi, kynnist helstu hugtökum og kröfum ÍST 85 jafnlaunastaðalsins
• kynnist þeim ávinningi sem hlýst af því að innleiða virkt jafnlaunakerfi
• þekki hvernig sett er upp jafnlaunastefna og jafnréttisáætlun
• þekki aðferðir við starfaflokkun, hvað telur til launa og hvað þarf að passa þegar gerð er launagreining

Fyrir hverja?

Námskeiðið hentar öllum sem koma að því að setja upp, innleiða og viðhalda jafnlaunakerfi í fyrirtækjum og stofnunum og þeim sem eru að taka við uppsettum kerfum.