Hinn fullkomni karlmaður

Hinn fullkomni karlmaður er stórskemmtilegur og hugvíkkandi fyrirlestur sem fjallar um karlmennsku í samtímanum á víðan og fjölbreyttan hátt og einblínir á „jákvæða karlmennsku“. Hvernig eigum við að hugsa um karlmennskuna, bæta hana og efla – og vera með karlmönnum í liði? Hvernig líta fyrirmyndir ungra karlmanna út í dag, ef þær eru þá til?

Sverrir leitar víða fanga, meðal annars í eigið líf og ferðast með áheyrendum inn á heimilið, á vinnustaði, aftur í aldir og inn í framtíðina.
Meðal annars er fjallað um jákvæða karlmennsku, feðraveldi, tilfinningalega byrði, femínisma og eitraða karlmennsku.
Og karlmenn í aldanna rás, karlmenn og; föðurhlutverkið, leiðtogahlutverkið, heimilið, líkamann, útlitið, konur, náttúruna og loks karlmenn og framtíðina.

Fyrir hverja?

Fyrir alla þá sem vilja fræðast um jákvæða karlmennsku, uppgötva hvernig hinn fullkomni karlmaður er – og hlusta á skemmtilegan og hugvíkkandi fyrirlestur.